274. निर्दोषलाइ गोलि हानि हानि मारिएको छ

निर्दोषलाइ गोलि हानि हानि मारिएको छ
निशाना नभेटिने गरि व्येपत्ता पारिएको छ

यो सरकारले आफ्नालाई मात्र जागिर दिई
हामीलाई भने खाडीमुलुकतिर तारिएको छ

हामीले राम्रो काम गरेको पनि देख्नै नसहने
माथिल्लो पददेखि सिधै तल झारिएको छ

ए कान भएका नसुन्ने लाचारी बहिराहरु हो
भन किन जनतालाइ गोरु झैं नारिएको छ?

मन र मुटुमा "नेपाल" बोकेर हिंड्ने हामी नै
आज तिमीहरुकै कारण प्रदेशमा हारिएको छ

रोहित राना
बुटवल-१३रुपन्देही
हाल- क्याम्प बास्टन,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

273. तिम्रो जस्तो किस्मत कहाँ छ र मेरो?

तिम्रो जस्तो किस्मत कहाँ छ र मेरो?
आफन्त बाट मत्दत कहाँ छ र मेरो ?

देउता ठानी पत्थरलाइ पुजी रहेछन् याँ
पत्थरलाइ जति इत्जत कहाँ छ र मेरो?

मान मर्यादा तिम्रै त छनि यो सहरमा
चौतर्फी चल्ने दस्तखत कहाँ छ र मेरो?

अविर मालाले रंगिन हुन्छौ पलभर मै
तिमीलाई जस्तो स्वागत कहाँ छ र मेरो?

आफ्नो त झुपडी छानोकै बास छ हजुर
तिम्रो झैं बंगला अनि छत कहाँ छ र मेरो?

रोहित राना
बुटवल-१३रुपन्देही
हाल- क्याम्प बास्टन,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

272. यादहरु बेची सपनाहरु किन्ने सोंचमा छु

यादहरु बेची सपनाहरु किन्ने सोंचमा छु

मान्छेहरु भित्रकै मान्छे चिन्ने सोंचमा छु

चराहरु जस्तै स्वतन्त्र हुनु छ मलाइ पनि

जिवनभर आजाद भएर हिन्ने सोंचमा छु

धेरै नै भेटें मै जान्ने मै बुझ्ने भन्नेहरु यहाँ

त्यसैले मात्र असल मित्र बिन्ने सोंचमा छु

उनि भन्छिन्"रोहित" तिम्रो कैले बनाउँछौ?

प्रिया यहि मंसिरमा कुरा छिन्ने सोंचमा छु

रोहित राना

बुटवल-१३रुपन्देही

हाल- क्याम्प बास्टन,अफगानिस्थान

"बुद्ध नेपालमा जन्मेका हुन्"

"Buddha was born in Nepal"

271.केवल उन्कै पर्खाइमा जीवन बितिराछ

केवल उन्कै पर्खाइमा जीवन बितिराछ
बिछोड अनि तड्पाईमा जीवन बितिराछ

एकहोरो घोरिन्छु पागल भन्छन् कोहि त
अश्रु कै धारा बगाईमा जीवन बितिराछ

तिम्रो बाटो हेर्दा हेर्दै नयनहरु थाकी सके
कोमल यो मुटु जलाईमा जीवन बितिराछ

हिजो आज सराब नै साथी भाकोछ मेरो
यी पाइलाहरु लर्खराइमा जीवन बितिराछ

प्रेमिल जोडीहरु देख्दा खुब इर्श्या लाग्छ
अरुकै हेरी चित्त बुझाइमा जीवन बितिराछ

रोहित राना
बुटवल-१३रुपन्देही
हाल- क्याम्प बास्टन,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

270. प्रिय तिम्रो गलाको हार मन परेन

प्रिय तिम्रो गलाको हार मन परेन

अझ त्यो गरेको श्रीङ्गार मन परेन

त्यो नजरले किन दोषी देख्छौ मलाई

स्वयं तिमि र तिम्रो सरकार मन परेन

अचम्म यो आकाश पनि बिक्रीमा छ रे

फगत गरेको झुठो प्रचार मन परेन

अरे माया नि बेचिँदो रैछ किनिदो रैछ

यस्तो बिचित्रको व्यापार मन परेन

बालकलाइ कलम देउ अनि ज्ञान देउ

दिएको ति हातमा हतियार मन परेन

रोहित राना

बुटवल-१३रुपन्देही

हाल- क्याम्प बास्टन,अफगानिस्थान

बुद्ध नेपालमा जन्मेका हुन्

Buddha was born in Nepal

269. आगो समाउँछु पानी समाउँछु

आगो समाउँछु पानी समाउँछु
कान्छीको लर्के जवानी समाउँछु

अहो! त्यो लोभै लाग्दो बैंश उन्को
पख्नुस् ल मायाको खानी समाउँछु

आँखा  रलिसा जिउडाल कसिला
कसम अब त मनोमानी समाउँछु

मनै थाम्न गाह्रो भयो के गरुँ मैले
नजाने झैं गरि जानीजानी समाउँछु

जे पर्ला पर्ला आँटी हालें मैले हजुर
अब त आफ्नै प्रिय ठानी समाउँछु

रोहित राना
बुटवल-१३रुपन्देही
हाल- क्याम्प बास्टन,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

268. आए हुन्थ्यो जीवनमा कोहीनुर बनेर

आए हुन्थ्यो जीवनमा कोहीनुर बनेर
दुखमा साथ् दिने मेरो नै हजुर बनेर

खै यो बाधा अडचन् किन आउँछ यात्रामा
जिन्दगीमा बांचिराछु मजबुर बनेर

मेरै छाँयाले मलाई सधैं गिजाईरन्छ
भन्दै हुने वाला छैन तँ मधुर बनेर !!

यो भिडमा आफन्त नै चिन्नै गाह्रो भयो
आफन्त सबै गए झन् दुर- दुर बनेर

खुब ठोकी रहेछन् मेरो जिन्दगिलाइ
र'त बज्दैछु बेताल बनेर बेसुर बनेर

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"