रोल्पा,रुकुम,कर्णालीमा कहिले पुग्छ तिम्रो सरकार?
सुनकोशी र महाकालीमा कहिले पुग्छ तिम्रो सरकार?
रवि,कवि पटक पटक त्यहाँ पुगेर पनि आउनु भयो
भन्ज्याङ र देउरालीमा कहिले पुग्छ तिम्रो सरकार?
फूल देख्छन् मात्र फुलेका फूल तिनै पापी आँखाले
वृक्ष अनि डालीडालीमा कहिले पुग्छ तिम्रो सरकार?
निर्दोष माथि दिनदहादै गोली हान्छन् तिम्रा मान्छे
चोर,फटाह र जालीमा कहिले पुग्छ तिम्रो सरकार?
किसानले चामल नपठाए भोकै हुन्छ तिम्रो राजधानी
खेतका ति आली बालीमा कहिले पुग्छ तिम्रो सरकार?
रोहित राना
बुटवल-१३, रुपन्देही
"Buddha was born in Nepal'