तिम्रो चोली तुनामा

मेरो मन पल्किएकोछ तिम्रो चोली तुनामा !!

अनि दिल अल्झिएकोछ तिम्रो चोली तुनामा!! 

तिम्रो रुप अनि शृंगार देखेर भुत्तुकै हुन्छु म !!

साँच्चै जादु सल्बलिएकोछ तिम्रो चोली तुनामा!!

रोहित राना'

बुटवल -१३,रुपन्देही'

निकै कालो अनि अँध्यारो समय आयो

निकै कालो अनि अँध्यारो समय आयो
हामि माझ विनाशकारी यो प्रलय आयो
जन-धन लग्यो -इतिहास ढलाएर गयो
यहाँ बाँच्नेहरुमाझ झन् ठुलो भय आयो

रोहित राना
बुटवल-१३, रुपन्देही

खुलेर हाँस्न सकेको छैन हाँस्ने रहर हुँदा पनि

खुलेर हाँस्न सकेको छैन हाँस्ने रहर हुँदा पनि 

उनको लागि यो जीवन बाँच्ने रहर हुँदा पनि

प्रतिबन्धमा छु स्वयं आफ्नै जीवनको म यहाँ 

माया उनलाई जुनीजुनी साँच्ने रहर हुँदा पनि 

रोहित राना

बुटवल-१३, रुपन्देही 

Buddha was borin in Nepal'

"मस्त छन् तिम्रो सहरमा

सबै आ-आफ्नै तालमा मस्त छन् तिम्रो सहरमा
कोहि भने निकै अस्थ व्यस्त छन् तिम्रो सहरमा
माया पनि कौडीकै भाउमा बेचिरहेको देखिन्छ
त्यसैले होला किन्ने प्रसस्त छन् तिम्रो सहरमा


रोहित राना
बुटवल-१३रुपन्देही
हाल- क्याम्प बास्टन,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

कोहि दुखि असल मित्र नभएर

कोहि दुखि असल मित्र नभएर
सोंचे जस्तै दिल भित्र नभएर
ति चित्रकार मुर्मुरिएको देख्छु
बनाउन खोजे झैं चित्र नभएर

रोहित राना
बुटवल-१३रुपन्देही
हाल- क्याम्प बास्टन,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

जीवन बाँचेको छु

जसोतसो यो जीवन बाँचेको छु मैले
र तिम्रै निम्ति यौवन साँचेको छु मैले
हाम्रा ति प्रितका कुरा नहोस् है अधुरा
भेट्ने दिन कुर्दै औंला भाँचेको छु मैले

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

अरुसब छ मसंग।

परिवार छैन यहाँ, अरुसब छ मसंग।
हजुर रणभूमिको,अनुभव छ मसंग।।
बिरगोर्खाली भएरै,होमिएको हुँ युद्धमा।
मनमा दुवै दानव र, मानव छ मसंग।।

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

""बिस्वास चाहिएन""

तिम्रो झुठो माया चाहिएन बिस्वास चाहिएन
अँध्यारोमै ठिकै छु'म क्षणीक प्रकास चाहिएन
भौंतारिने छैन अब तिम्लाई खोज्दै पागलसरि
कसम दिलनै धुजा,हुने मायाको आभाष चाहिएन

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

तिमिले जे सुकै भन आपत्ति छैन।।

तिमिले जे सुकै भन आपत्ति छैन।।
दुखाउँदिन है यो मन आपत्ति छैन।।

चाहेको सबै कस्ले पो पाको छ र???
देउ अन्तै त्यो जोवन आपत्ति छैन।।

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

केहि भएर पनि .......नभए जस्तो

केहि भएर पनि .......नभए जस्तो
अनौठो छ'यो जीवन कस्तो कस्तो 

कसैको भने छोई नसक्नु छ हजुर
मेरो भने भाछ जीवन सस्तो सस्तो

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्" "Buddha was born in Nepal"

पाउजु बजाएर अनि लजाएर गईन्

पाउजु बजाएर अनि लजाएर गईन्
मेरा नयनसंग नयन जुधाएर गईन्

म पनि उनि झैं प्रेमको भोको थिएँ
भोकै राखी आफु मात्र अघाएर गईन्

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

उ बारुद खोज्दैछ अनि गोलि खोज्दैछ

उ बारुद खोज्दैछ अनि गोलि खोज्दैछ
आन्दोलन गर्नलाइ ठुलै टोलि खोज्दैछ

बा विदेशिएको धेरै भएछ आएनन् फर्केर
त्यसैले आमासँग उ बाको बोलि खोज्दैछ

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

बिताउँन पाए हुन्थ्यो बिन्दास जिन्दगि

बिताउँन पाए हुन्थ्यो बिन्दास जिन्दगि
मेरो पनि भैदिए हुन्थ्यो खास जिन्दगि

सोँचेको जस्तो कहाँ पो हुँदो रहेछर हजुर
आखिर भैगयो मेरो नै सत्यनास जिन्दगि

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

बेहोस् भाको छु म

शराब हजुर मात्र शराब पिएर बेहोस् भाको छु म
अझै उनैले दिनु धोका दिएर बेहोस् भाको छु म

नशा पिउनु कुनै रहर त थिएन आखिर मेरो पनि
उनलाई खुशी आफु पिडा लिएर बेहोस् भाको छु म

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

खै उसलाई महान कसले बनायो

खै उसलाई महान कसले बनायो

ढुंगालाइ भगवान कसले बनायो

हामी बिचको मित्रता त हराएछ

साथीत्वमा स्थान कसले बनायो रोहित राना   बुटवल-१३रुपन्देही  हाल- काबुल,अफगानिस्थान

~*~नयाँ वर्ष २०७०~*~

सबै माझमा खुसि र हर्ष लिएर आवोस् नयाँ साल
प्रेम अनि सद्भावको स्पर्श लिएर आवोस् नयाँ साल

हिँसा र द्वन्द हड्ताल अनि बन्द नहोस् अब देशमा
शान्ति र संविधानको निस्कर्ष लिएर आवोस् नयाँ साल



शुभ समय ....मेरा सम्पूर्ण मित्रवन्धुहरु, आफन्तजन लगायत विश्व भरी छरिएर रहनु भएका समस्त नेपालीहरुलाई कार्य-सफलताको कामना सहित नव वर्ष २०७० सालको पावन अवसरमा हार्दिक मंगलमय शुभकामना टक्र्याउन चहान्छु!!

रोहित राना
बुटवल-१३रुपन्देही
हाल- काबुल,अफगानिस्थान

मुक्तक ...मन यति त रुँदैन

गाउँघर सम्झी मन यति त रुँदैन !!
मनमा खुसीले किन हो छुदै छुँदैन!!

परदेशी जीवन दिन रात कामै काम!!
चाडवाड आउँछ जान्छ पत्तै हुँदैन !!

रंङहरुको पर्व होलीको पावन अवसरमा समस्त देश विदेशमा छरिएर रहनु भएका नेपालीहरुमा कार्य सफलताको कामना सहित हार्दिक मंगलमय शुभ कामाना "Happy Holi"

रोहित राना
बुटवल-१३रुपन्देही
हाल- काबुल,अफगानिस्थान

मलाई जिताई आफु हारेको रे उनले

मलाई जिताई आफु हारेको रे उनले
मायाको त्यो जालमा पारेको रे उनले

उहाँ मात्र मेरो म केवल उहाँकै हुन पाउँ
भनि-कन देउतालाइ पुकारेको रे उनले

रोहित राना
बुटवल-१३रुपन्देही
हाल- काबुल,अफगानिस्थान

यो मनको घाउ दुख्नु दुखे पछि

यो मनको घाउ दुख्नु दुखे पछि
के होला खै चल्ने स्वास रुके पछि

रोएरै बस्दा रहेछन् सबैजना यहाँ
आफुले चाहेको निशाना चुके पछि

रोहित राना
हाल- काबुल,अफगानिस्थान

म तिम्रो हरेक ताल र सुर बन्नेछु!!

म तिम्रो हरेक ताल र सुर बन्नेछु!!
केहि वर्ष पर्ख तिम्रो हजुर बन्नेछु!!

तिमीलाई मेरो जीवन साथि चुनि!!
त्यो सिउँदोको म सिन्दुर बन्नेछु!!

रोहित राना
बुटवल-१३रुपन्देही
हाल- काबुल,अफगानिस्थान