230. न त हजुर भुल्नसकेँ मेरो पहिलो प्रेम

न त हजुर भुल्नसकेँ मेरो पहिलो प्रेम
न हृदयमा चुल्नसकेँ मेरो पहिलो प्रेम

अन्जुलिमै थाप्दा थाप्दै पोखिएरै गयो
न त हजुर बटुल्नसकेँ मेरो पहिलो प्रेम

आज आइ औंशीको रात झैं भाछ जीवन
न घाम जस्तै खुल्नसकेँ मेरो पहिलो प्रेम

फ्याँकिएको झारसरि जीवन ओइलि राछ
न फूल भएर फुल्नसकेँ मेरो पहिलो प्रेम

वाचा त पापिनिको थियो संगै जिउने मर्ने
न सिउँदो रंगाई हुल्नसकेँ मेरो पहिलो प्रेम

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

उ बारुद खोज्दैछ अनि गोलि खोज्दैछ

उ बारुद खोज्दैछ अनि गोलि खोज्दैछ
आन्दोलन गर्नलाइ ठुलै टोलि खोज्दैछ

बा विदेशिएको धेरै भएछ आएनन् फर्केर
त्यसैले आमासँग उ बाको बोलि खोज्दैछ

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

229. उसैको बेसी याद आउँछ हल्का पिएको बेला

उसैको बेसी याद आउँछ हल्का पिएको बेला
मन बोतल र सराबले सीउँछु च्यातिएको बेला

तिमि त रमाई रमाई अन्मिएर गयौ पराइसंग
म त मरेथें तिम्ले बिहेको निम्तो दिएको बेला

किन घरिघरि त्यही अमिट छापले पोल्छ मुटु
अचेत अवस्थामा हुन्छु मुटु चस्किएको बेला

दिनहुँ जसो देश सम्झन्छु साथीभाइ सम्झन्छु
जागिर खान टन्टलापुर घाममा उभिएको बेला

अखिर पापीनिकै कारणले देश छोडी हिड्नु पर्यो
रुँदै बिदा गर्नु भाथ्यो आमाले विदेशिएको बेला

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

228. यो कोमल मनसंग भर पर्दो कोहि भएन

यो कोमल मनसंग भर पर्दो कोहि भएन
दिलको धड्कनसंग भर पर्दो कोहि भएन

सुख अनि दुखसंगै झेल्छु म भन्दा पनि
बेदना र रोदनसंग भर पर्दो कोहि भएन

पापिनिले मायाको नाउमा सुली चढाइ गइ
बैंश अनि योवनसंग भर पर्दो कोहि भएन

झुठो बाचा उसैको अमिट छाप भै बसेकोछ
मेरा यी दुइ बचनसंग भर पर्दो कोहि भएन

म पागल हैन तैपनि संज्ञा पागलकै दिन्छन्
आखिर यो सत्जनसंग भर पर्दो कोहि भएन

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

227. यो पापी समयसंगै चल्ने प्रयासमा छु

यो पापी समयसंगै चल्ने प्रयासमा छु
भाका ति योजना बदल्ने प्रयासमा छु

सबैले मेरै भाग्य नै खोटी हो भन्छन्
सोहि भाग्यलाई म छल्ने प्रयासमा छु

कोहि सोंच्दा हुन् यो कसरि बाँच्या होला
अब आफै मुर्दा सरि ढल्ने प्रयासमा छु

स्वर्गकै मात्र सपना किन देख्छन् सबैले
म भने नर्ककै बोटमा फल्ने प्रयासमा छु

धेरैको मलामी गएँ अब आफ्नै चितामा
आफैले आगो लगाई जल्ने प्रयासमा छु

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

226. यो साल पनि नआउने भयो /तिम्रो परदेशीले

यो साल पनि नआउने भयो /तिम्रो परदेशीले
प्रितको गित नगाउने भयो /तिम्रो परदेशीले

मनसुन अलि लम्बिएर झरी परेछ भन्छन्
चुहिएको धुरी नछाउने भयो /तिम्रो परदेशीले

मेला पात संगै गर्ने धोको थियो होला पक्कै
संगै देउराली नधाउने भयो /तिम्रो परदेशीले

परदेशको ठाउँ भनेको र सोंचेको नहुदो रैछ
साँच्चै छुट्टी नपाउने भयो /तिम्रो परदेशीले

बिर्सेको त छैन प्रिय सम्झना दिनहुँ आइरहन्छ
रोधिमा मादल नबजाउने भयो /तिम्रो परदेशीले

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"

225. हेर्नुस् गजल फुर्नलाइ समय मिल्नु पर्छ

हेर्नुस् गजल फुर्नलाइ समय मिल्नु पर्छ
सोंचे झैं लगन जुर्नलाइ समय मिल्नु पर्छ

तिमि किन यति हतार गरि रहन्छौ भनेको
सहि मार्गमा दगुर्नलाइ समय मिल्नु पर्छ

जीवनको चक्रव्युमा सोंचे जस्तै कहाँ हुन्छ र?
कसैको प्रतिक्षामा कुर्नलाइ समय मिल्नु पर्छ

नचाहँदा पनि कुनै पल बिर्सिएँ होला हजुरलाई
समेट्न मित्रहरु सम्पूर्णलाइ समय मिल्नु पर्छ

उसले आफ्नै मलामी गएर फर्किएँ भन्दैछ
हो,आफ्नै चिहान पुर्नलाइ समय मिल्नु पर्छ

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"