मेरो दिलको,रानी बन्छिन् अरे

मेरो दिलको,रानी बन्छिन् अरे
तिर्खा मेट्ने,पानि बन्छिन् अरे

हजुरकै समिप,हुन पाउँ भन्छिन्
दुइ आँखाको, नानि बन्छिन् अरे

रोहित राना
बुटवल-१३रुपन्देही
हाल- काबुल,अफगानिस्थान

143. गजल -नयाँ वर्ष विशेष

छर्दै हर्ष उल्लास सबै संग आऊ नयाँ साल
नेपाली जन्तालाइ पार्दै दंग आऊ नयाँ साल

शान्ति होस चारैतिर अशान्ति नहोस कतै
लिएर जोस-जांगर उमंग आऊ नयाँ साल

देशको मुहार फेरिकन होस चौतर्फी बिकास
दिइ नेतालाइ सतबुद्धि ढंग आऊ नयाँ साल

पिर- चिन्ता पाखा लागी जीवन होस खुशी
मनभरी छर्दै सप्तरंगी रंग आऊ नयाँ साल


~!~Wish u all..a very Happy New year 2013~!~

शुभ पल,शुभ समय,शुभ दिन ....मेरा सम्पूर्ण मित्रवन्धुहरु, आफन्तजन लगायत विश्व भरी छरिएर रहनु भएका समस्त नेपालीहरुमा कार्य-सफलताको कामना सहित नव वर्ष २०१३ सालको उपलक्ष्यमा हार्दिक मंगलमय शुभकामना टक्र्याउन चहान्छु!!

रोहित राना  

बुटवल-१३रुपन्देही 

हाल- काबुल,अफगानिस्थान 

142.बाबु चर्को घामले पोल्ला आमाको माया

बाबु चर्को घामले पोल्ला आमाको माया
बिदेशी ति दामले पोल्ला आमाको माया

स्वदेश बानाउ आफ्नो भन्या आफ्नै हुन्छ
परायको कामले पोल्ला आमाको माया

हामि बुढाबुढी भै सक्यौं एक्लै नछोड अब
जन्मेको यो ठामले पोल्ला आमाको माया

नाति र नातिना देखेरै मर्ने धोको छ हाम्रो
प्रियसीको  नामले पोल्ला आमाको माया

गरे सुन फल्छ बाबु यही सुन्दर धर्तीमा नै
सधैं खाने मामले पोल्ला आमाको माया

रोहित राना
बुटवल-१३रुपन्देही
हाल- काबुल,अफगानिस्थान

म जीवित छु तै पनि बगर भने कसैले

म जीवित छु तै पनि बगर भने कसैले
बेहोशिमै लट्ठीएको नजर भने कसैले

हिनताबोध छैन तैपनि ज्युने प्रयासमा छु
पागल वस्तीको तिमि शहर भने कसैले

रोहित राना
बुटवल-१३रुपन्देही
हाल- काबुल,अफगानिस्थान

141.छोराले बाउलाई हराउने काम यहीँ हुन्छ

छोराले बाउलाई हराउने काम यहीँ हुन्छ
नभाको आरोपमा कराउने काम यहीँ हुन्छ

जनताका रगत र पसिना चुस्दै चुस्दै हेर्नुस
आफ्नो त्यो ढुकुटी भराउने काम यहीँ हुन्छ

जनतालाई बालै भो आफन्तलाई ठुलो पदमा
छिन् भरमै स्वीकृति गराउने काम यहीँ हुन्छ

गरिबका झुपडी भत्काएर आफन्तलाई भने
सिंघदरबारमा बसाइ सराउने काम यहीँ हुन्छ

बाढी पिडित हामि जनता डुबानमा पर्दा पनि
आफ्नालाई चाहिँ डुंगा तराउने काम यहीँ हुन्छ

रोहित राना
बुटवल-१३रुपन्देही
हाल- काबुल,अफगानिस्थान

यो मान्छेको नियत खराब छ

यो मान्छेको नियत खराब छ
हजुर सत प्रतिसत खराब छ

हिजो निन्याउरो भइ हिनेकै हो
हेर्नुस उस्को अभिमत खराब छ

रोहित राना
बुटवल-१३रुपन्देही
हाल- काबुल,अफगानिस्थान

140.उनिसंगै बिताएका रातहरुले

उनिसंगै बिताएका रातहरुले सताइरहन्छन्
सुम्सुम्याउने तिनै हातहरुले सताइरहन्छन्

जिवन्त संगै जिउने र मर्ने वाचा थियो हाम्रो
तितामिठा गरिएका बातहरुले सताइरहन्छन्

मेटाउँछु भन्छु याद भने झैं कहाँ हुन्छ र हजुर
पुराना ति प्रेमपत्रका खातहरुले सताइरहन्छन्

दिन जसो तसो कटाउँछु रात निकै गाह्रो हुन्छ
गोधुलीसंगै हरेक प्रभातहरुले सताइरहन्छन्

सम्हाली राख्याछु उनैले पठाएका सगुनहरु
तिनै सगुन अनि सौगातहरुले सताइरहन्छन्

रोहित राना
बुटवल-१३रुपन्देही
हाल- काबुल,अफगानिस्थान