310. शरीरलाइ फाइदा हुन्छ पिउनुस् पानी बाट

शरीरलाइ फाइदा हुन्छ पिउनुस् पानी बाट

कुरोको चुरो बुझ्नु होला है बुद्धिमानी बाट

मात्र दु:ख, पिडा खेपिरहेछु मैले आजसम्म

सुखको अनुभव भएन यार जिन्दगानी बाट

अब म मेरो हुम्ला, जुम्ला आफै बनाउँछु

छैन रत्तिभर आशा तिम्रो राजधानी बाट

सबै परिवार एकसाथ मिलाएरै राखेकाछन् 

यो पाठ सिक्नु जरुरिछ माहुरीको रानी बाट

उनी पनि म जस्तै 'प्रेम' वियोगी रैछन् यार

आज बल्ल चाल पाएँ उनकै कहानी बाटा

रोहित राना

बुट्वल-१३, रुपन्देही

"Buddha was born in Nepal"

309. हुनेलाई त यहाँ मालामाल भाछ दशैं

हुनेलाई त यहाँ मालामाल भाछ दशैं
नहुनेलाई कठै! अनिकाल भाछ दशैं

कस्ले पो बुझ्छर? यहाँ अरुको पीड़ा
बोझ माथि बोझ वेहाल भाछ दशैं

सबैकोमा चीची-पापा पाक्दै छ होला
मेरो भने रित्तो-रित्तो थाल भाछ दशैं

कस्लाइ भनुँ मनको पिडा मैलाइ था'छ
आँशुले भरिभराउ फेवाताल भाछ दशैं


''शुभ पल, शुभ समय ....मेरा सम्पूर्ण मित्रवन्धुहरु, आफन्तजन लगायत विश्व भरी छरिएर रहनु भएका समस्त नेपालीहरुलाई कार्य-सफलताको कामना सहित २०७१ विजय दशमीको हार्दिक मंगलमय शुभकामना  टक्र्याउन चहान्छु!!

रोहित राना
बुटवल-१३, रुपन्देही
"Buddha was born in Nepal'

308. सिक्दैछु मैले केहि कुरा यो आकास बाट

सिक्दैछु मैले केहि कुरा यो आकास बाट
यस्तै अनुभुती भयो उनको विस्वास बाट

यदा-कदा मेरो याद आयो भने तिमिलाइ
मुरिका'मुरि चुम्बन् लिनु प्रीया बतास बाट

तिम्लाइ पक्कै पिरोलेको छ पुरानो यादले
मैले महसुस गरि सकेँ है तिम्रै आभाष बाट

मृगौला र आँखा दान गरि देह त्यागेका हुन्
सिक्नुहोस् महासय केहि कुरा यो लाश बाट

अन्तत'राइट भाइहरुले' जहाज बनाइ उडाए
आखिर के नहुने रैछ र?गरेदेखी प्रयास बाट


रोहित राना
बुट्वल्-१३,रुपन्देही
"Buddha was born in Nepal

307. मलाइ आफ्नै देश बेचेको आरोप लागेको छ

मलाइ आफ्नै देश बेचेको आरोप लागेको छ
तराइ अनि मधेस बेचेको आरोप लागेको छ

तँपाइहरुले पत्याउनुस् या त नपत्याउनुस्
शहिदको अवसेष बेचेको आरोप लागेको छ

विस्वास नै लागेको छैन हजुर खै के-खै के?
याँ आफ्नै परिवेश बेचेको आरोप लागेको छ

अचम्म तस्करी हो भन्दै जेल चलान गरियो
हिरोइन अनि चरेस बेचेको आरोप लागेको छ

न त मैले मान् बेचेकोछु न त नेपाली पन् नै
तैपनि नेपाली भेष बेचेको आरोप लागेको छ

रोहित राना
बुटवल्-१३,रुपन्देहि
"Buddha was born in Nepal'

306. रोल्पा,रुकुम,कर्णालीमा कहिले पुग्छ तिम्रो सरकार?

रोल्पा,रुकुम,कर्णालीमा कहिले पुग्छ तिम्रो सरकार?

सुनकोशी र महाकालीमा कहिले पुग्छ तिम्रो सरकार?

रवि,कवि पटक पटक त्यहाँ पुगेर पनि आउनु भयो

भन्ज्याङ र देउरालीमा कहिले पुग्छ तिम्रो सरकार?

फूल देख्छन् मात्र फुलेका फूल तिनै पापी आँखाले

वृक्ष अनि डालीडालीमा कहिले पुग्छ तिम्रो सरकार?

निर्दोष माथि दिनदहादै गोली हान्छन् तिम्रा मान्छे 

चोर,फटाह र जालीमा कहिले पुग्छ तिम्रो सरकार?

किसानले चामल नपठाए भोकै हुन्छ तिम्रो राजधानी

खेतका ति आली बालीमा कहिले पुग्छ तिम्रो सरकार?

रोहित राना

बुटवल-१३, रुपन्देही

"Buddha was born in Nepal'

305. अहँ भएन देशमा भष्ट्रचारको निर्मुल भएन।

अहँ भएन देशमा भष्ट्रचारको निर्मुल भएन।

अझ गाँठि कुरो वेरोजगारको निर्मुल भएन।।

हामी गरिब अब कसरी? जिविको पार्जन गर्नु।

छाति नै चर्किने महंगी बजारको निर्मुल भएन।।

खुलेआम नै किन् बेच भैरहेछन् हातहतियारहरु।

तस्करी अनि यो कालो व्यापारको निर्मुल भएन।।

गुण्डाहरुलाइ देउता ठानेकै कारण यो सरकारले।

आज सम्म चोर,फताह गद्धारको निर्मुल भएन।।

वाढिले परिवार लग्यो सारा सपनाहरुसँगै लग्यो।

आँखाभरि यो मुसलधारे असारको निर्मुल भएन।।

रोहित राना

बुटवल-१३, रुपन्देहि

"Buddha was born in Nepal"

304. निराश निराश देख्छु तिम्लाइ प्यार छुटे जस्तो

निराश निराश देख्छु तिम्लाइ प्यार छुटे जस्तो

सँगै जिउने अनि सँगै मर्ने आधार छुटे जस्तो

यसरि गजल सुनाएर युद्ध गर्न सक्दिन हजुर 

लागि रहेछ आत्मबलसँगै हतियार छुटे जस्तो

साँच्चै सोँचे भन्दा त धेरै खल्लो भयो कार्यक्रम

माहोल देखिन्थ्यो होनाहर कलाकार छुटे जस्तो

लोकतन्त्र,गणतन्त्र आएनि देशको मुहार फेरिएन

यस्तो लाग्छ देश हाक्ने नेता इमान्दार छुटे जस्तो

मेरि प्रीयाको अनुहारमा म चमकता देख्दिन अचेल

लाग्दैछ गर्दागर्दै पनि कहिँ-कतै शृङ्गार छुटे जस्तो

रोहित राना

बुटवल-१३, रुपन्देहि

"Buddha was born in Nepal"