उनीहरु मेरै बारे..

उनीहरु मेरै बारे .....धेर-थोर भन्दैछन
काम नलाग्ने छि-छि फोहोर भन्दैछन


मौन बसी सुनिरहें,उनीहरुकै मात्र कुरा
तेरो काम छैन साँच्चै,कमजोर भन्दैछन

संघर्षका पाइलाहरु चालेर अघि बढ्नु तिमि

संघर्षका पाइलाहरु चालेर अघि बढ्नु तिमि
मन भित्रका पिरव्यथा फालेर अघि बढ्नु तिमि

अवस्य सफलताले चुम्नेछन तिम्रा पाइलाहरु
विशाल लक्ष्य मनभरि पालेर अघि बढ्नु तिमि

शुभकामना तिमीलाई पुष्प गुच्छा अर्पण गर्छु
कठोर सबैका हृदयहरु गालेर अघि बढ्नु तिमि

समयले निम्त्याउने छ पक्कै सुनौलो बिहान
विद्रोहका खम्बाहरु ढालेर अघि बढ्नु तिमि

आउनेछ पक्कै  हरियाली खरेदी सबै हराएर
तिर्काएको बोटमा पानी हालेर अघि बढ्नु तिमि

"छेस्काहरु "

१.छेस्का
कस्तो प्रेमको रोगि भएँ म
उनकै  बेसी  भोगी भएँ म

पाउछु कि प्रेमका दान-दक्षिणा
गाउँ डुली हिड्ने जोगी भएँ म


२.छेस्का
आज उनीसंग अलिकति,रिसाएको छु
मनको भारि बोट्टेलसंगै,बिसाएको छु

उन्ले घुर्की लाउन हुने रे, मैले नहुने रे
त्यही घुर्कीलाइ गिलास भित्र,मिसाएको छु

म नै पहिले मर्छु अनि डोली चढ्नु तिमि

म नै पहिले मर्छु अनि डोली चढ्नु तिमि
नर्क बसाइ सर्छु अनि डोली चढ्नु तिमि

हेर्न चाहान्न सिंउदो,त्यो अरुले कोरेको
जंघार मनै तर्छु  अनि डोली चढ्नु तिमि

निर्दोष हुँदा पनि,तिमीले नै दोषी ठान्यौं
पात भएर झर्छु,अनि डोली चढ्नु तिमि

सोंचेउ होला मै पापी,तिम्रो कठोर मनले
चितामा म पर्छु, अनि डोली चढ्नु तिमि

सपनाको एक महल ढल्यो आज पनि

सपनाको एक महल ढल्यो आज पनि
अनायासे मन फेरी जल्यो आज पनि

स्वच्छ शितल पवन, चाहेर  पनि मैले
लौन!विष रुपी तुफान ,चल्यो आज पनि

निभ्याउन सकिन राँको,बलेसिका आँशुले
झनै विशाल ज्वालामुखी,बल्यो आज पनि

मायाका  साना अंकुराहरु,झैं लागेको थियो
नाटक रैछ  निर्मोहिले, छल्यो आज पनि

बुटवल-रुपन्देही

निर्दोष भएर नि दोषी ठहर्यो भन्दिनु

निर्दोष भएर नि दोषी ठहर्यो भन्दिनु
बिना कसुर फन्दामा पर्यो भन्दिनु

सहन नसकी यी,फगतका आरोपहरु
स्वर्गलोकको बसाइ सर्यो भनिदिनु

एका देशको कथा जस्तो मेरो जिन्दगि

एका देशको कथा जस्तो मेरो जिन्दगि
मुल्य बिहिन अति सस्तो मेरो जिन्दगि

फूल फूल्ला फल देला, सपनै मात्र भयो
बुझ्नै सकिन हरे कस्तो मेरो जिन्दगि