होमिन जाँदैछु युद्धको मैदान राँको बोकेर।
बनेर निडर,सहासी र चट्टान राँको बोकेर।।
देशलाई बचाउनुछ तिनै धमिराहरुबाट ।
मसंगै हिंड हे नेपालि जवान राँको बोकेर।।
जसरि पनि देशको मुहार फेर्नुछ हामीले।
मेटिने छैन गोर्खालीको सान राँको बोकेर।।
म रगत दिन्छु यो दिलो ज्यान नै दिन्छु।
फर्काउन आमाको मुस्कान राँको बोकेर।।
मर्नलाइ तयार छ यो 'रोहित' देशको लागि।
गए जावोस् बरु भएको प्राण राँको बोकेर।।
रोहित राना
बुटवल-१३ रुपन्देही