280. पक्का यो समयले संकेत जनाएको छ

पक्का यो समयले संकेत जनाएको छ
मनको त्रास भयले संकेत जनाएको छ

सायद एकछिनमा उषाको लाली फिजिदैछ
चिरबिर चरीको लयले संकेत जनाएको छ

सधैं म हारी रहन्थ्यें जिन्दगिको खेलमा
सुरुवात यो बिजयले संकेत जनाएको छ

कहिले काँही अपर्झट पो आइ पर्दो रहेछ
अचानक यात्रा तयले संकेत जनाएको छ

अब यसरि अन्धकारमा बाँच्न सक्दिन म
बिहानीको सुर्य उदयले संकेत जनाएको छ

रोहित राना
बुटवल-१३रुपन्देही
हाल- क्याम्प बास्टन,अफगानिस्थान
"बुद्ध नेपालमा जन्मेका हुन्"
"Buddha was born in Nepal"