248. हेर्नुस् उ कलिलो मान्छे हुँदै होइन।

हेर्नुस् उ कलिलो मान्छे हुँदै होइन।
र सोँचेझैं गतिलो मान्छे हुँदै होइन।।

विस्वासको नकाव ओडेको छ उसले।
पख्नुस् त्यति सजिलो मान्छे हुँदै होइन।।

एकदिन उस्ले आफ्नो पारा देखाउनेछ।
बुझ्नुस् है उ दरिलो मान्छे हुँदै होइन ।।

देखावटी मिठा बात गरेको हो उसले।
कसम उ रसिलो मान्छे हुँदै होइन ।।

हातिको चपाउने दांत देखिदैन बुझ्नुस्।
धरोधर्म उ लचिलो मान्छे हुँदै होइन।।

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"