247. बुद्धि र विवेकसंगै विद्वान बेचिदैछन्

बुद्धि र विवेकसंगै विद्वान बेचिदैछन्
र उनमा भएका सबै ज्ञान बेचिदैछन्

दिनहुँ जहाज आउँछ उडाएर लान्छ
खाडीतिर नेपाली जवान बेचिदैछन्

तपाइँ मान्नुस् या'त नमान्नुस् यहाँ
धर्मको नाममा गीता,कुरान बेचिदैछन्

कहाँ गए खै वीर नेपालीको इत्जत?
हुँदाहुँदा गोर्खालीका सान बेचिदैछन्

हे!युवा तिम्रो पसिना अनि रगत बेचिए
याद राख बाँकी भाको प्राण बेचिदैछन्

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"