235. सबै देउताहरु पुजेर आको छु

सबै देउताहरु पुजेर आको छु
अनि गाँठी कुरा बुझेर आको छु

विदेशिंदा इमान बेचेको छु मैले
त्यसैले त शिर झुकेर आको छु

सगरमाथा हराएको खबर सुन्छु
खोज्नलाइ नै म कुदेर आको छु

सराबी पन के हो तिम्लाई के था?
सोध मलाई सराबमै डुबेर आको छु

जुनदिन तिमीले मेरो बस्ति उठायौ
त्यैदिन देखि सडकमै सुतेर आको छु

रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"