उनको त्यो नाम नि बिर्से

उनको त्यो नाम नि बिर्से,पागल भए पछी
सधैं गर्ने काम नि बिर्से, पागल भए पछी

आवाज पनि हरायो , दृष्टि पनि बिलायो
आफु बस्ने ठाम नि बिर्से,पागल भए पछी

जपी रहन्थें प्रभुलाइ ,आपत बिपत पर्दा
हरे हरे राम नि बिर्से , पागल भए पछी

दिन देख्छु रात झैं , रात देख्छु दिन झैं
चन्द्र अनि घाम नि बिर्से,पागल भए पछी

भोक प्यास हराउने, मन झन् बेसी डराउने
सधैँ खाने माम नि बिर्से, पागल भए पछी


रोहित राना
बुटवल-रुपन्देही
हाल-काबुल,अफगानिस्थान
16th-August-12