एउटा भाको त्यो घडेरी बेच्ने सोंचमा छु

एउटा भाको त्यो घडेरी बेच्ने सोंचमा छु
बरु पानि खान्न पधेंरी बेच्ने सोंचमा छु

हरेक मोडहरु ज्योतिमय बनाउनु पर्ने छ
त्यसैले जीवनको अँधेरी बेच्ने सोंचमा छु

रोहित राना
बुटवल-१३रुपन्देही
हाल- काबुल,अफगानिस्थान

166. तिम्रा हरेक प्रश्नहरुको जवाफ छ मसंग

तिम्रा हरेक प्रश्नहरुको जवाफ छ मसंग
केवल तिम्रो मायाको लगाव छ मसंग

वियोगमा पिएर ढलें तिम्ले पो देखिनौ
हरदिन हररात साथमा सराब छ मसंग

तिमि मात्र मेरी हौ अन्त मन नडुलाउनु
भेटिकन भन्नु तिम्लाई सुझाव छ मसंग

एकोहोरो मायामा पागल झैं भाएको छु
हृदय भित्र अमर प्रेमको प्रभाव छ मसंग

प्रणय दिवस नजिकिदैछ सम्झिराछु म
धेरै अघि देखि साँचेको गुलाब छ मसंग

रोहित राना
बुटवल-१३रुपन्देही
हाल- काबुल,अफगानिस्थान

165. अमर वीर शहिद गंगलालको छोरो हुँ म

वीर शहिदहरु प्रति समर्प्रित***

अमर वीर शहिद गंगलालको छोरो हुँ म
जननी जन्मभूमि नेपालको छोरो हुँ म

परि आएमा मेरो शिर चढाउन तयार छु
तराइ पहाड अनि हिमालको छोरो हुँ म

देश नेताहरुको पेवा होइन चेतना भया
खुँडा खुकुरी अनि तरवालको छोरो हुँ म

शाहिदकै रगतले मेची काली उर्लिराछन्
सारस मैना मयुर मुनालको छोरो हुँ म

तिम्रा ति कुकर्म हेरी शहिदहरु श्रापिराछन्
बुझ तिलिचो रारा फेवातालको छोरो हुँ म

रोहित राना
बुटवल-१३रुपन्देही
हाल- काबुल,अफगानिस्थान

164. ठुला भनाउदा मान्छेहरु भेट्नु पर्ने छ आज

ठुला भनाउदा मान्छेहरु भेट्नु पर्ने छ आज
मनमा लागेका कुराहरु मेट्नु पर्ने छ आज

भोलिभोलि भन्दै तार्नु तारे अझै सम्म पनि
कागजी बाघका दस्ताबेज चेट्नु पर्ने छ आज  

अति गरे हुँदा हुँदै अत्याचारले सिमा नाघ्यौ
यिनीहरु सबलाइ तुरुन्त्त लखेट्नु पर्ने छ आज

बातको भुत नमाने लात दिन मैले जान्याछु
अतेरनै गरे तिन्का घांटी रेट्नु पर्ने छ आज

हे युवा जाग्नु पर्छ देश बिकासमा लाग्नु पर्छ
यी देश बेच्ने नेताहरुलाइ फेक्नु पर्ने छ आज

रोहित राना
बुटवल-१३रुपन्देही
हाल- काबुल,अफगानिस्थान

तिम्लाई पाए आकाश छुन्छु भन्छिन् उनि

तिम्लाई पाए आकाश छुन्छु भन्छिन् उनि
जुनी-जुनी सम्म पनि चुन्छ भन्छिन् उनि

झुठो त होइन नि भनि सोध्छु जिस्किएर
अजम्बरी माया-प्रित बुन्छ भन्छिन् उनि

रोहित राना
बुटवल-१३रुपन्देही
हाल- काबुल,अफगानिस्थान

163. सुनाउछु मेरो आफ्नै कहानीको कुरा

सुनाउछु मेरो आफ्नै कहानीको कुरा
उन्कै यादमा भिजेका सिरानीको कुरा

कोल्टे फेर्दै बित्छन् हरेक मेरा रातहरु
उनलाइ भनी साँचेका जवानीको कुरा

पर्खि बसेछु छिट्टै भेट्ने बाचा छ हाम्रो
त्यही बाचाकसम प्रेम निशानिको कुरा

उनि रानी म उन्को राजा बनेर सबलाई
देखाउनुछ हाम्रो प्रेम राजधानीको कुरा

तिम्रै हुँ म भन्छिन् अंगालोमा बाधिंएर
जति गरे नि कम हुन्छ सान्नानीको कुरा

रोहित राना
बुटवल-१३रुपन्देही
हाल- काबुल,अफगानिस्थान

दन्किएको आगोसंग खेल्ने बानि छ मेरो त

दन्किएको आगोसंग खेल्ने बानि छ मेरो त
भएको सत्य तथ्य ओकेल्ने बानि छ मेरो त

अग्रजहरुको साथ पाएकैछु आज सम्म मैले
आएका परिस्थितिसंग झेल्ने बानि छ मेरो त

रोहित राना
बुटवल-१३रुपन्देही
हाल- काबुल,अफगानिस्थान