242. जताततै बाढीले गाउँघर बगाएको खबर आको छ

जताततै बाढीले गाउँघर बगाएको खबर आको छ
र सरकारले केहि राहत पठाएको खबर आको छ

यो गाउँ अनि सिंगो बस्ति बनाउछु भन्ने त्यो नेता
मात्र आफ्नो बिशाल घर बसाएको खबर आको छ

हजुर अब त नुन-तेल पनि किन्न नसक्ने भएछौं
साँच्चै यो महंगीले बजार तताएको खबर आको छ

यो त हामी सबैले बुझेकै र जानेकै कुरा नै त हो नि
टाउके नेताहरुले हामीलाइ नंचाएको खबर आको छ

यता नेताहरु भोजभतेरमै मोजमस्ती गरिरहेका छन्
उता कर्णालीमा भने रासन नपाएको खबर आको छ


रोहित राना
बुटवल-१३रुपन्देही
हाल- काबुल,अफगानिस्थान
"बुद्ध नेपालमा जन्मेका हुन्"
"Buddha was born in Nepal"