191 . जिवन उसँग विताउनु छैन मलाई

जिवन उसँग विताउनु छैन मलाई
अझै सखाप बनाउनु छैन मलाई

छोडी जाने निष्ठुरीको तस्बिर हेर्दैछु
प्रेम पत्र कोरी पठाउनु छैन मलाई

तन मन दिनेले नै धोका दिए पछि
देखावटी हाँसो मुस्कुराउनु छैन मलाई

म जे जस्तो छु यसैमा नै खुशी छु
उजाडिने घरबार बसाउनु छैन मलाई

ढुंगा भइ सकेँ म तिमीलाई थाहा छ
सजिब भइ फेरी आउनु छैन मलाई

रोहित राना
बुटवल-१३रुपन्देही
हाल- काबुल,अफगानिस्थान