183. हिजोआज कस्ताकस्ता समाचार आउँछन्

हिजोआज कस्ताकस्ता समाचार आउँछन्
पत्यारै लाग्दैन तै पनि बारम्बार आउँछन्

कुकुर मर्दा पनि हजुर शहिद घोषणा गर्नु पर्ने
नगरी सुखै छैन टाउकोमा हतियार आउँछन्

भाइचाराको भावनालाइ खेलवाड गरि गरि
आफै विचार पु-र्याउनु पर्छ याँ गद्दार आउँछन्

लोग्ने मान्छेले रुन हुन्न भन्छन् र पनि
मेचीकाली उर्ली आखाँमा अश्रुधार आउँछन्

खै कसैले नबुझ्ने भयो जनताको पिर व्यथा
मात्र लाचारी लाचारी हजुर सरकार आउँछन्

रोहित राना
बुटवल-१३रुपन्देही
हाल- काबुल,अफगानिस्थान