178. हुँदा हुँदा लौन हजुर राजधानी हरायो

हुँदा हुँदा लौन हजुर राजधानी हरायो
दश बर्से म्याद भाको राहदानी हरायो

इतिहास त बिर्सेछन् यी युवा पुस्ताले
गोर्खालीको वीर-गाथा कहानी हरायो

भौंतारिदै खोजिराछु जताततै उसैलाई
सान्नानीको वैंस अनि जवानी हरायो

देउता पनि राम्रोसंग सुतेको छैनन् अरे
मिठो निदरिको आउने शिरानी हरायो

विश्वकै धनि हो नि पानीको हाम्रो नेपाल
तर हेर्नुहोस् यहाँ पिउनलाई पानि हरायो


रोहित राना
बुटवल-१३रुपन्देही
हाल- काबुल,अफगानिस्थान