150.यहाँ हरेक प्रश्नहरु उत्तर खोज्दैछन्

यहाँ हरेक प्रश्नहरु उत्तर खोज्दैछन्
मेरा पाइलाहरु नि सफर खोज्दैछन्

आँशुले नै निथ्रुक्क भिजेको जीवन
मन्द मुस्कानको लहर खोज्दैछन्

आन्दोलन नगर भनेको के थिएँ मैले
मलाइ नै हिर्काउन पत्थर खोज्दैछन्

उता हेर गल्लिभरि सडक बालकहरु
उनीहरु रात बिताउन घर खोज्दैछन्

'रोहित'लाइ निकै दुर्बल  ठान्नेहरु नै
दिनलाई फेरी पुन:अवसर खोज्दैछन्


@copyright
रोहित राना
बुटवल-१३रुपन्देही
हाल- काबुल,अफगानिस्थान