145.ए मन बिनासित्तैमा तँ डुल्दै हिंडछस् किन हँ

ए मन बिनासित्तैमा तँ डुल्दै हिंडछस्  किन हँ
भिर-पाखा पनि नभनि फुल्दै हिंडछस् किन हँ

इर्ष्या अनि डाहा  तँलाई कति गर्नु पर्ने हगि
कुरा काट्दै शिखर ति चुल्दै हिंडछस् किन हँ

छिन् भरमै पुर्व त छिन् भरमै पश्चिम पुग्छस्
बकम्फुसे रवाफमा तँ भुल्दै हिंडछस् किन हँ

कहिले त्यो हावासंग कहिले नदिसंगै बग्छस्
उदारताको चिनारी दिंदै खुल्दै हिंडछस् किन हँ

तँ त्यस्तै नै छस् दोष कस्लाई दिनु र खै मैले
जस्तो आफु साथि उस्तै बटुल्दै हिंडछस् किन हँ

रोहित राना
बुटवल-१३रुपन्देही
हाल- काबुल,अफगानिस्थान