पिरैपिरको त्यो कथा, कस्ले सुन्यो र
भीरैभीरको त्यो कथा, कस्ले सुन्यो र
डुंगा टार्दै बितिराछ,माझि दाइको जुनी
तिरैतिरको त्यो कथा, कस्ले सुन्यो र
भोग्नु पर्ने रैछ हजुर,लेखेको निधारमा
तक्दिरको त्यो कथा, कस्ले सुन्यो र
वसन्तको घमाइलो,हुने सधैं रमाइलो
शिशिरको त्यो कथा, कस्ले सुन्यो र
देउता बस्ने घर'अरे,दर्शन कैले दिएनन्
मन्दिरको त्यो कथा, कस्ले सुन्यो र
रोहित राना
बुटवल-रुपन्देही
हाल-काबुल,अफगानिस्थान